Wednesday 31 August 2011

Waqt ke panno me aaj,
Khud ko main dhoond raha hoon.
Us beete hue sunahre kal ko
Aaj phir khayalo me jee raha hoon.
Jaane kyu wo gujre lamhe aaj,
Rah rah ke mujhe yaad aa rahe hain,
Un lamho ki meethi yaadein,
mujhme ek sirhan si paida kar rahi hain.
Aaj is bhaag daud ki jindagi me,
Un sapno ko kahin bahut peeche chod diya hai.
JO kabhi gujre waqt me,
In palko me basa karte the aur
is dil ki dhadkan huaa karte the.
Par aaj,
Phir se jaane kyu,
Un sapno ko jee lene ko
main machal raha hoon.
Par
Waqt
ye Waqt kya mujhe wo sapne jee lene dega????